Almaniya millisinin sabiq müdafiəçisi Mats Hummels cari mövsümün sonu karyerasını başa vuracaq.

Rekord.az xəbər verir ki, bu barədə o, sosial şəbəkə hesabında məlumat verib.

"Hazırda hisslərimi sözlə ifadə etmək çətindir. Elə an gəlir ki, heç bir futbolçu ondan qaça bilmir. 18 il futbolda ömür keçdikdən sonra böyük xoşbəxtliklə təqaüdə çıxıram. Qələbə qazandığım oyunların videolarına baxanda anlayıram ki, çox gözəl anlar yaşamışam", - deyə "Roma"nın futbolçusu bildirib.

36 yaşlı Hummels müxtəlif illərdə ölkəsində "Bayern" və "Borussiya" klublarının şərəfini qoruyub. O, altı dəfə Almaniya çempionluğunu və superkubokunu, üç dəfə ölkə kubokunu qazanıb. Hummels Almaniya millisinin heyətində 78 oyun keçirib və 5 qol vurub. Futbolçu 2014-cü ildə Braziliyada keçirilən dünya çempionatının qalibi olub.