Bu gün kişi voleybolçular arasında Azərbaycan I liqasında I dövrəyə yekun vurulub. "Rekord.az" xəbər verir ki, "Murov" klubunun idman zalında təşkil olunan V tura A qrupunun oyunları ilə start verilib.

İlk matç "Murov-2" - "Əlincə" komandaları arasında olub. Görüş gənclərdən qurulan birincilərin 3:0 (25:15, 25:20, 25:21) hesablı qələbəsi ilə başa çatıb.

Qrupun digər qarşılaşmasına "Taleh-A.T" "Təhsil" ilə görüşüb. Oyun ikincilərin üstünlüyü ilə başlayıb və onlar bu üstünlüyü matçın sonuna kimi qoruyublar. A qrupuna liderlik edən "Təhsil" dördüncü görüşünü də 3:0 (23:25, 12:25, 18:25) hesabı ilə qalib gəlib.

Turun üçüncü qarşılaşmasında "Aura" "Masallı" ilə üz-üzə gəlib. Bu matçda da 3:0 (25:8, 25:12, 25:10) hesabı qeydə alınıb. B qrupunda çıxış edən "Masallı" komandası 3 xalı 3 setlə əldə edib.

Günün və dövrənin son matçı "Veteranlar" və "Azərbaycan Ali Hərbi Məktəbi" arasında keçirilib. Bu görüşün qalibi digərlərindən fərqli, tay-brekdə müəyyənləşib. "Azərbaycan Ali Hərbi Məktəbi" rəqibini 3:2 (25:23, 25:20, 16:25, 24:26, 15:10) hesabı ilə məğlub edib.

I Liqa

V tur

13 fevral

A qrupu

  "Murov-2" - "Əlincə" 3:0 (25:15, 25:20, 25:21)

   "Taleh-A.T" - "Təhsil" 0:3 (23:25, 12:25, 18:25)

B qrupu

   “Aura” – “Masallı” - 0:3 (8:25, 12:25, 10:25)

   “Veteranlar” – “Azərbaycan Ali Hərbi Məktəbi” - 2:3 (23:25, 20:25, 25:16, 26:24, 10:15)

Turnir cədvəli:

A qrupu: “Təhsil”-12 xal, “Murov-2”-9, “Əlincə”-4 “Taleh-A.T”-3, “Həvəskarlar”-2

B qrupu: “Masallı”-11 xal, “Azərbaycan Ali Hərbi Məktəbi”-8, “Ryuqa”-7, “Veteranlar”-4, “Aura”-0