Gəncə Şəhər Gənclər və Baş İdarəsinin rəisi Həmid Nəsirov kikboksinq idman növü üzrə dünya kubokunda uğurlu nəticə əldə etmiş Fuad Zeynalovla və onun məşqçisi Talıb Bayramovla görüşüb

Rekord.az xəbər verir ki, görüş zamanı Nəsirov Fuadı qazandığı uğurlu nəticə münasibətilə təbrik etmiş və ona gələcək yarışlarda uğurlar arzulamışdır.

Göstərilən diqqət və qayğıya görə F.Zeynalov Baş İdarə rəhbərliyinə öz minnətdarlığını bildirmiş və bundan sonrada öz qələbələri ilə ölkəmizin bayrağını uca tutacağını diqqətə çatdırmışdır. Sonda Baş İdarə rəisi Həmid Nəsirov tərəfindən Fuad Zeynalova fəxri diplom və onun məşqçi-müəllimi Talıb Bayramova isə təşəkkürnamə təqdim olunmuşdur.

Qeyd edək ki, Türkiyənin İstanbul şəhərində Wako qaydaları ilə keçirilən Kikboksinq idman növü üzrə Dünya kubokunda Gəncənin yetirməsi Fuad Zeynalov 2007-2008-ci illər təvəllüdlü idmançılar arasında Low-kick növündə 57 kq çəki dərəcəsində 3-cü yerə layiq görülmüşdür.