Voleybolçu kişilər arasında Dünya çempionatı başa çatıb. "Rekord.az" xəbər verir ki, mundial İtaliya millisinin qələbəsi ilə yekunlaşıb.

Polşada təşkil olunan yarışın finalında İtaliya meydan sahibləri ilə üz-üzə gəlib. Qarşılaşma italyanların 3:1 (22:25, 25:21, 25:18, 25:20) hesablı qələbəsi ilə başa çatıb. Bununla da İtaliya yığması 24 ildən sonra dünya çempionu olub.

Üçüncü yer uğrunda isə Braziliya və Sloveniya kollektivləri qarşılaşıblar. Bu oyunda qalib gələn Braziliya millisi Dünya çempionatının bürünc medalına sahib çıxıb.