Qadın voleybolçulardan ibarət Azərbaycan millisinin üzvü Ayşən Abduləzimova Çempionlar Liqasında mübarizəyə başlayıb. "Rekord.az" xəbər verir ki, blokçumuzun şərəfini qoruduğu Macarıstanın "Vasas" klubu ilk oyunu səfərdə keçirib. 

D qrupunda yer alan voleybolçumuzun komandası 1-ci turda Fransanın "Neptunes Nantes" klubu ilə qarşılaşıb. Görüş kifayət qədər gərgin olub. Ümumi hesabda İki dəfə geri düşən "Vasas" hesaba tarazlıq gətirə bilib. Qalibi müəyyən etmək üçün is tay breykə ehtiyac yaranıb. Həlledici setdə isə Ayşən və rəfiqələri daha dəqiq oynayaraq 3:2 (17:25, 25:21, 17:25, 25:13, 15:13) hesablı qələbəni bayram ediblər.

Komandasının ilk qələbəsini qazandığı matçda yığmamızın və "Vasas"ın kapitanı 6 dəfə fərqlənib. Abduləzimova bu xallardan 5-ni hücumda, digərini isə eyslə qazanıb. Kapitanımız hücumda 56 faizlik nəticə ilə oynayıb ki, bu da qarşılaşmanın ən yaxşı göstəricisidir.