Voleybol üzrə qadınlardan ibarət Azərbaycan millisinin üzvü Ayşən Abduləzimova Macarıstan çempionatında növbəti oyununu keçirib.. "Rekord.az" xəbər verir ki, təcrübəli blokçumuzun şərəfini qoruduğu "Vasas Obuda" klubu 9-cu turda "Vasas SC" ilə qarşılaşıb.
İlk setdən təşəbbüsü ələ alan voleybolçumuzun komandası üstünlüyünü əldən verməyib. 3 set davam edən matçda Ayşən və rəfiqələri quru hesabla qələbə qazanıblar - (3:0, 25:16, 25:12, 25:18).
Komandasının çətinlik çəkmədiyi oyunda millimizin və "Vasas"ın kapitanı 10 xal qazanıb. Abduləzimova 6 dəfə hücumda, 4 dəfə isə blokda fərqlənib.
Qeyd edək ki, 9 turdan sonra maksimum nəticə qazanan "Vasas Obuda" 27 xalla vahid liderliyini davam etdirir.