Gəncə şəhər stadionunda işlər sürətlə gedir və yaya kimi arenanın hazır olacağı gözlənilir.

Bunu Rekord.az-a açıqlamasında "Kəpəz"in İdarə Heyərinin sədri İlqar Nadiri deyib.

Bu isə o anlama gəlir ki, Gəncə təmsilçisi yeni mövsümdən rəqiblərini doğma arenada qəbul edəcək. Lakin Nadirinin sözlərinə görə, indidən bunu əminliklə demək olmaz. Buna səbəb MDB oyunlarının Gəncədə keçirilməsi ilə bağlıdır. Məhz bu tədbir  səbəbindən ola bilsin ki, "Kəpəz" yeni mövsümün əvvəllinə təsadüf edən ev oyunlarını başqa meydançada keçirsin.