Qazax-Tovuz Regional Gənclər və idman idarəsində kikboksinq üzrə region məşqçilərinin iştirakı ilə görüş keçirilib.       

Rekord.az xəbər verir ki, tədbirdə regional idarənin əməkdaşları, Kikboksinq Federasiyasının Qərb regionu üzrə nümayəndəsi, Əməkdar məşqçi Anar Məmmədov və regionun məşqçiləri iştirak edibdir.       

Tədbirdə Qazax-Tovuz Regional Gənclər və İdman idarəsinin rəisi Əziz Məsmalıyev və federasiyasının nümayəndəsi Anar Məmmədov çıxış edərək 2024- cü il ərzində görülmüş işlər və 2025- ci il ərzində qarşıda duran vəzifələrdən, görüləcək işlərdən danışıblar. Eyni zamanda mövcud problemlər birlikdə araşdırılıb təhlil edilmiş, regionda keçiriləcək yarışlar müzakirə olunmuşdur.