Sumqayıtda məktəblilər üçün voleybol yarışı təşkil edilib. "Rekord.az" xəbər verir ki, Azərbaycan Voleybol Federasiyasının (AVF) Regional İnkişaf Mərkəzinin dəstəyi ilə Sumqayıt şəhər 1 nömrəli məktəbdə qız və oğlanlar arasında voleybol üzrə  “Dostluq” yarışı keçirilib.

Yarış 12-19 fevral tarixlərində baş tutub. Burada Sumqayıt şəhəri, Xızı rayonu və Saray qəsəbəsindən olan 80 şagird iştirak edib. Yarışın təşkilində əsas məqsəd məktəblilər arasında voleybolun təbliği və bölgələrdə kütləviliyinin artırılmasıdır. 

Qeyd edək ki, bu cür yarışların digər bölgələrdə də təşkil olunması nəzərdə tutulur.