Argentinalı ulduz futbolçu Lionel Messinin çıxış etdiyi "İnter Mayami" klubu Şimali, Mərkəzi Amerika və Karib hövzəsi (CONCACAF) Çempionlar Kubokunun 1/4 final mərhələsinin ilk oyununda məğlub olub.

Rekord.az xəbər verir ki, komanda səfərdə ABŞ-nin digər təmsilçisi "Los Anceles"ə uduzub.

Qarşılaşma meydan sahiblərinin minimalhesablı qalibiyyəti ilə bitib - 1:0. Yeganə qolu 57-ci dəqiqədə Neytan Ordas vurub.

"İnter Mayami"nin aparıcı oyunçuları - Lionel Messi, Luis Suares və Xordi Alba matça ilk "11-lik"də başlayıb və sonadək meydanda olublar.

Tərəflər arasında cavab qarşılaşması aprelin 9-dan 10-na keçən gecə keçiriləcək.