Qadın voleybolçulardan ibarət Azərbaycan yığması Avropa olimpiya təsnifat turnirində son oyununa çıxıb. "Rekord.az" xəbər verir ki, Niderlandda təşkil olunan yarışda komandamız 3-cü görüşdə Polşa ilə üz-üzə gəlib.

Qarşılaşma polşalı voleybolçuların üstünlüyü ilə keçib. Vasif Talıbovun rəhbərlik etdiyi yığmamız 3 set davam edən matçda quru hesablı məğlubiyyətə üzülüb.

Bununla da, keçirdiyi hər üç oyunda məğlub olan millimiz turnirlə vidalaşıb.