Qadın voleybolçulardan ibarət Azərbaycan millisinin üzvü Şəfaqət Alışanova Macarıstan çempionatında növbəti oyununa çıxıb. "Rekord.az" xəbər verir ki, oyunqurucumuzun formasını geyindiyi "Mav Elore" 6-cı turda "KNRC" klubu ilə üz-üzə gəlib.

Görüş voleybolçumuzun komandası üçün uğursuz alınıb. 3 set davam edən qarşılaşmada Şəfaqət və rəfiqələri quru hesablı məğlubiyyətlə barışmalı olublar - 0:3 (18:25, 15:25, 23:25).

Komandasının xalsız qaldığı görüşdə toppaylayıcımız əvəzetmə ilə oynayıb. Alışanova meydanda olduğu müddətdə 4 xal qazanıb. O, rəqibi 2 dəfə hücumda, 2 dəfə isə blokda məyus edib.