Qadın voleybolçulardan ibarət Azərbaycan millisinin üzvü Yelizaveta Səmədova Rusiya kubokunda ilk yarım final oyununa çıxıb. "Rekord.az" xəbər verir ki, hücumçumuzun formasını geyindiyi "Leninqradka" bu mərhələdə Krasnodar "Dinamo"su ilə qarşılaşıb.

Sankt-Peterburqda baş tutan görüş Liza və rəfiqələri üçün uğurlu alınıb. "Leninqradka" doğma azarkeşlərini sevindirə bilib. 3 hissə davam etmiş matçda ev sahibi quru hesablı qələbə qazanıb - 3:0 (25:19, 25:19, 25:24).

Bu qələbə ilə voleybolçumuzun komandası final çıxmaq şansını artırıb. Digər yarım final oyununda isə kubokun son sahibi Moskva "Dinamo"su Azərbaycan millisinin digər üzvü Kristina Yaqubovanın formasını geyindiyi 1-ci Liqanın "Lipetsk" klubunu 3:1 (21:25, 25:13, 25:18, 25:19) hesabı ilə məğlub edib.

Qeyd edək ki, yarım finla və final qarşılaşmalarına Sankt-Peterburqun "Sibur Arena"sı ev sahibliyi edir.