Azərbaycan Milli Olimpiya Komitəsinin (MOK) rəsmi şəxsləri Avropa Olimpiya Komitələrinin (AOK) 54-cü Baş Assambleyasında iştirak edirlər.

Bu barədə Rekord.az-a MOK-un mətbuat xidmətindən məlumat verilib.

Almaniyanın Frankfurt şəhərində keçirillən tədbirə qurumun vitse-prezidenti Çingiz Hüseynzadə, baş katib Azər Əliyev və MOK-un xarici əlaqələr idarəsinin müdiri Anar Bağırov qatılıblar.

Toplantıda Milano-Kortina 2026 Qış Olimpiya Oyunları, İstanbul 2027 Avropa Oyunları və AOK-un “Strategiya Gündəliyi - 2030” kimi vacib mövzular gündəmdədir.

Bundan əlavə, “Ən yaxşı avropalı gənc atlet” üçün “Pyotr Nurovski” mükafatı və Avropa Olimpiya Komitəsinin “Olimpiya çələngi” mükafatı təqdim ediləcək.