Niderland və Polşanın ev sahibliyi ilə təşkil olunan qadın voleybolçular arasında Dünya çempionatında daha iki oyun keçirilib. "Rekord.az" xəbər verir ki, hər iki qarşılaşma E qrupunda baş tutub.

İlk olaraq meydana Braziliya və Puerto-Riko yığmaları çıxıblar. Oyun gözlənildiyi kimi braziliyalı voleybolçuların asan qələbəsi ilə yekunlaşıb - 3:0 (25:11, 25:13, 25:15).

Günün digər matçında Çin və Niderland üz-üzə gəlib. Gərginliyi ilə yadda qalan bu görüşdə sevinən tərəf asiyalılar olub - 3:2 (22:25, 25:21, 25:15, 18:25, 15:12).

Mundialın növbəti günündə yeddi qarşılaşma baş tutacaq - Yaponiya-Puerto-Riko, Serbiya-Tayland, İtaliya-Argentina, ABŞ-Türkiyə, Dominikan Respublikası-Almaniya, Braziliya-Niderland, Polşa-Kanada.