Kişi voleybolçuların Yüksək Liqasında ilin son oyunları keçirilib. "Rekord.az" xəbər verir ki, bu gün Yüksək Liqada III turun daha iki oyunu baş tutub.

İlk olaraq FHN-nin idman zalında “Xilasedici” klubu “AZERRAIL”lə qarşılaşıb. Gərgin keçən matçda “Xilasedici” komandası 3:1 hesabı ilə qələbə qazanıb.

Turun və ilin son oyunu Sumqayıt OİK-də “Gənclər” və “Murov Az Terminal” komandaları arasında olub. Bu görüşdə “Murov Az Terminal” klubu “Gənclər”i 3:0 hesabı ilə məğlub edib.

Qeyd edək ki, III turun dünən keçirilən ilk qarşılaşmasında “Neftçi” klubu MOİK-ə 3:0 hesabı ilə qalib gəlib.

Yüksək Liqa (kişilər)

III tur

18 dekabr

“Xilasedici” - “AZERRAIL” 3:1 (19:25, 25:23, 25:18, 26:24) 

“Gənclər” - “Murov Az Terminal” 0:3 (14:25, 14:25, 13:25)