“Fiorentina”nın futbolçusu Frank Riberi cəzalandırılıb.

Rekord.az xarici mətbuata istinadən xəbər verir ki, A Seriyasının 7-ci turu çərçivəsində “Parma” ilə keçirilən oyun zamanı bir epizodda özünü bilərəkdən yerə atan Riberinin cəzası məlum olub.

İtaliya A Seriyasının İntizam Komitəsi qarşılaşmanın 42-ci dəqiqəsində özünü yerə atan və sarı vərəqə alan Riberini 2000 avro cərimələyib.

Riberi bu mövsüm “Fiorentina” ilə 6 oyunda 2 qol vurub.

“Parma” – “Fiorentina” matçı qolsuz bərabərliklə başa çatıb.