Futbol üzrə Ukrayna Premyer Liqasında 16-cı turun oyunları keçirilib.

Rekord.az xəbər verir ki, Azərbaycan yığmasının müdafiəçisi Pavel Paşayevin formasını geyindyi “Aleksandriya” da növbəti matçına çıxıb.

Sözügedən kollektiv səfərdə “Desna” ilə qarşılaşıb. Futbolçumuzun komandası bu görüşdən məğlubiyyətlə ayrılıb – 0:2.

Paşayev də bu görüşün iştirakçısı olub. O, start heyətdə meydana çıxıb və 60-cı dəqiqədə əvəzlənib.

“Aleksandriya” 16 turdan sonra 27 xalla 12 kollektiv arasında 5-ci pillədə qərarlaşıb.