Dekabr ayının 20-22-si tarixləri arasında Bakı şəhəri Şəhid Telman Abbasov adına 225 N-li tam orta məktəbdə Alib Baş Komandan, Prezident  İlham Əliyevin 60 illik yubileyinə həsr olunmuş məktəbdaxili “Şən Startlar” yarışması keçirilib.  

"Rekord.az" xəbər verir ki, tədbir Azərbaycan Respublikasının Dövlət Himninin səslənməsi ilə başlayıb. Daha sonra şəhidlərin ruhu 1 dəqiqlik sükutla yad edilib. Məktəbin direktoru Sevda xanım.Eminova Ali Baş Komandan, qalib ölkəmizin möhkəm iradəli, yüksək siyasi bacarığı ilə fərqlənən, ölkəmizi dünyaya tanıdan Prezident İlham Əliyevin 60 illik yubileyi ilə bağlı geniş nitq söyləyib.

Sonra yarışlar başlayıb.

Tanınmış idmançı, ağır atlet, bir çox beynəlxalq yarışların, dünya və Avropa çempionatlarının, Olimpiya Oyunlarının iştirakçısı və mükafatçısı Elxan Süleymanovun rəhbərliyi altında yüksək təşkilatçılıq səviyyəsi ilə müşayiət olunan yarışların ilk günündə 7-ci, növbəti gün 6-cı, son günündə isə 5-ci siniflər mübarizəyə qoşulublar. Şagirdlər çox maraqlı və əyləncəli keçirilən "Şən startlar"dan iştirak etməkdən məmnun qalıblar.  

.
7-cil siniflər arasında 1-ci yerə "7R", 2-ci yerə "7B", 3-cü yerə isə "7C" sinfi layiq görülüb. 6-cılarda 1-ci yerə "6A", 2-ci yerə "6C", 3-cü yerə isə "6R" sinfi çıxıb. 5-ci siniflər arasında keçirilən yarışda isə 1-ci yeri "5E", 2-ci yeri "5C", 3-cü yeri isə "5A" sinifləri tutublar.

Qaliblər xüsusi hazırlanmış diplom və medallarla təltif olunublar.