Türkiyənin "Qalatasaray" klubunun hücumçusu Mauro İkardi uzun müddətə sıradan çıxıb.

Rekord.az xəbər verir ki, bu barədə klubun mətbuat xidməti məlumat yayıb.

O, Avropa Liqasının Liqa mərhələsinin 4-cü turunda "Tottenhem"ə qarşı (3:2) matçda çarpaz diz bağlarını qırıb və menisk zədəsi alıb. 31 yaşlı argentinalı futbolçu əməliyyat olunacaq. Onun cari mövsümün sonuna qədər meydana çıxmayacağı bildirilir.

İkardi 2023-cü ilin yayında PSJ-dən "Qalatasaray"a transfer edilib. Ön xətt oyunçusu bu mövsüm meydana çıxdığı 14 matçda 6 qol vurub və 2 məhsuldar ötürmə edib.