FCSB-nin (Rumıniya) futbolçusu Coyskim Dava Bakıda “Qarabağ”a qarşı keçirəcəkləri UEFA Avropa Liqasının oyunundan əvvəl mətbuat konfransında iştirak edib.

Rekord.az xəbər verir ki, o, matç öncəsi bunları söyləyib:

“Bu gözəl ölkəyə ikinci dəfədir gəlirəm. İnanıram ki, gözəl nəticə qazanacağıq. Biz optimistik. Bura ancaq və ancaq qələbə qazanmaq üçün gəlmişik. Biz bura nəticələri yaxşılaşdırmağa gəlmişik. Bu, bizim arzumuz yox, hədəfimizdir. İki məqam var. Biri gələn həftə “Mançester Yunayted”lə oyunumuzun olması, biri də “Qarabağ”ın xalının az olmasıdlr. İlk növbədə sabahki oyuna köklənirik. Qələbədən sonra 8-ci pilləyə yüksəlmək istəyirik. “Qarabağ” çox gözəl komandadır. Əcnəbi futbolçuları çoxdur. Hücumameyilli oynayır və topa nəzarəti güclüdür. Biz səfərdə oynadığımız üçün yerli komanda favorit sayılır. Buna baxmayaraq, hazırıq”.