“Qəbələ” qış hazırlığı çərçivəsində ilk yoxlama oyununu keçirib.

Rekord.az xəbər verir ki, “qırmızı-qaralar” “Mingəçevir”lə üz-üzə gəlib.

Qarşılaşma Qəbələ şəhər stadionunda baş tutub. Kaxaber Sxadadzenin yetirmələrinin üstünlüyü ilə keçən matçın ilk yarısında iki qol vurulub. Saheed Akorede və Murad Musayev rəqib qapısına yol tapıblar.

Fasilədən sonra “Qəbələ” daha iki dəfə fərqlənib. Hər iki qolu Domi Massoumo vurub.

Beləliklə, “qırmızı-qaralar” yoxlama oyununda böyükhesablı qələbə qazanıb – 4:0.