İtaliyanın "Roma" klubu heyətini iki yeni futbolçu ilə gücləndirib.

Rekord.az xəbər verir ki, paytaxt təmsilçisi "Ayaks"dan Devayn Rençi transfer edib.

Niderland millisində bir oyun keçirmiş 22 yaşlı müdafiəçi ilə 2029-cu ilin yayına qədər müqavilə imzalanıb.

Renç cari mövsümdə "Ayaks"ın heyətində bütün turnirlərdə 26 oyun keçirib, bir qol və məhsuldar ötürmə ilə yadda qalıb.

"Roma" İtaliyanın digər təmsilçisi "Atalanta"dan Pyerluici Qollininin də keçidini reallaşdırıb. 29 yaşlı qapıçı ilə 2027-ci ilin yayına qədər müqavilə imzalanıb.

Qollini cari mövsümün ilk yarısını icarə əsasında A Seriyasının digər klubu "Cenoa"da keçirib və meydana çıxdığı 7 matçda 15 qol buraxıb.