Fransanın “Olimpik” (Lion) klubunun yeni baş məşqçisi məlum olub.

Rekord.az xəbər verir ki, Liqa 1 təmsilçisinin “sükan”ı Rudi Qarsiyaya tapşırılıb. 

Bu barədə klubun rəsmi saytı məlumat yayıb. Amma tərəflər arasında imzalanan müqavilənin müddəti açıqlanmayıb. Fransa mətbuatı isə 55 yaşlı mütəxəssisin 2 illik müqaviləyə imza atdığını yazıb.

Baş məşqçi karyerası ərzində “Sent Etyen”, “Lill”, “Roma” kimi komandaları çalışdıran Qarsiyanın son iş yeri Marsel “Olimpik”i olub.

Cari mövsümdə keçirdiyi 11 rəsmi oyundan cəmi 3-də qələbə qazanan, son 7 çempionat oyununda qələbəyə həsrət qalan Lion “Olimpik”ində bir müddət əvvəl baş məşqçi Silvinyo istefaya göndərilmişdi. Sözügedən komanda hazırda 12 xalla 14-cü pillədə qərarlaşıb.