Voleybol üzrə Azərbaycan çempionatlarında növbəti oyunların başlama vaxtı və keçirilmə yeri dəqiqləşib. "Rekord.az" xəbər verir ki,  qadın voleybolçuların birinciliyində növbəti oyun sabah keçiriləcək.

Qadın voleybolçuların Super Liqasında I turun ikinci matçı dekabrın 20-nə təsadüf edəcək. Sabah Fövqəladə Hallar Nazirliyinin İdman-Sağlamlıq Kompleksində baş tutaq qarşılaşmada “Mübariz” və “Murov” kollektivləri üz-üzə gələcək. Görüşün start fiti 15:00-da çalınacaq. 

Kişilərin Yüksək Liqasında növbəti oyun bir gün sonra baş tutacaq. Həmin gün “MOİK” və “Azərreyl” qarşılaşacaqlar. 

Qeyd edək ki, I turda Super Liqada “Azərreyl” “Abşeron”a 3:1, Yüksək Liqada “Neftçi” “Murov”a 3:0 hesabı ilə qalib gəlib.