U-17 Qızlar Liqasında növbəti oyunlar keçirilib.


Rekord.az xəbər verir ki, “Sabah”ın qızlardan ibarət komandası evdə “Zaqatala City” ilə qarşılaşıb.


Oyun “Sabah”ın böyük hesablı qələbəsi ilə nəticələnib - 14:0. “Sabah”ın qollarına Tərgül Qəniyeva (7), Mehri Məmmədzadə (4), Aysu Əsədova (2) və Qönçə Quluzadə (1) imza atıblar.


Bu qələbədən sonra Mehdi İbrahimovun baş məşqçisi olduğu komanda çempionatın sonuna 2 tur qalmış çempionluğu təmin edib. 

“Sabah”ın qızlardan ibarət U-17 komandası ötən il də mövsümü çempion kimi başa vurmuşdu.