"Şabran" idman zalında rayon Gənclər və İdman İdarəsi və YAP Şabran rayon təşkilatının birgə təşkilatçılığı ilə yeniyetmələr arasında Ulu Öndər Heydər Əliyevin anadan olmasının 100 illiyi münasibətilə ”Qol güləşi” idman növü üzrə rayon birinciliyi keçirilib.

Rekord.az xəbər verir ki, tədbirdə rayon Gənclər və İdman İdarəsinin rəisi Süleyman Əliməmmədov və YAP Şabran rayon təşkilatının sədr müavini Cavani Babayev iştirak edib.

Tədbir Ulu Öndər Heydər Əliyevin əziz xatirəsini yad etmək, qol güləşi üzrə perspektivli idmançıları aşkarlamaq, idmançılar arasında dostluq əlaqələrini möhkəmləndirmək, gənclərə sağlam həyat tərzi aşılamaq məqsədilə keçirilib

Sağlam və ədalətli mübarizə şəraitində keçən birincilikdə yüksək nəticə əldə edən iştirakçılar rayon Gənclər və İdman İdarəsi tərəfindən diplomlar ilə təltif olunublar.