Azərbaycan Respublikasının Gənclər və İdman Nazirliyi, Müdafiə Nazirliyi, Elm və Təhsil Nazirliyi, Fövqəladə Hallar Nazirliyi və Səfərbərlik və Hərbi Xidmətə Çağırış üzrə Dövlət Xidmətinin birgə təsdiqlədiyi Əsasnaməyə uyğun olaraq, 11 aprel 2023-cü il tarixdə Şabran rayon Gənclər və İdman İdarəsi tərəfindən rayon Mərkəzi Stadionunda "Şahin" hərbi-idman oyunları üzrə rayon mərhələsi təşkil olunub.

Rekord.az yarışın keçirilməsində əsas məqsəd gənc nəslin hərbi vətənpərvərlik ruhunda tərbiyəsi, məktəblilərin hərbi xidmətə hazırlıq səviyyəsinin yüksəldilməsi və yarışın zona mərhələsində iştirak edəcək rayon komandasının müəyyənləşdirilməsi olmuşdur.

Yarışın açılış mərasimində Şabran Rayon İcra Hakimiyyəti başçısının müavini İlkin Ağayev, rayon Gənclər və İdman İdarəsinin rəisi Süleyman Əliməmmədov, Səfərbərlik və Hərbi Xidmətə Çağırış üzrə Dövlət Xidmətinin əməkdaşı Anar Ramanov, rayon Təhsil Şöbəsinin metodisti Rəşad Məmmədov, rayon Təhsil Sektorunun nəzdində fəaliyyət göstərən UGİŞM-in direktoru Zeynal Zeynalov çıxış etmiş və iştirakçılara uğurlar arzulamışlar.

Rayonun 16 ümumtəhsil tam orta məktəblərinin komandaları birincilik uğrunda mübarizə aparmışdır.

Yarışın yekununa əsasən nəticələr belə olmuşdur:

I yer - Şəhər 3 nömrəli tam orta məktəbin komandası

II yer - Şəhər 2 nömrəli tam orta məktəbin komandası

III yer - Şəhər 1 nömrəli tam orta məktəbin komandası