Şəmkir rayonu Ciu-Citsu idman zalında ciu-citsu üzrə Şəmkir rayon açıq turniri keçirilib.

Rekord.az xəbər verir ki, turnirdə Şəmkir rayonu üzrə Gənclər və İdman sektorunun baş məsləhətçisi Əkbər Qasımov, Yapon Döyüş Növləri və Mədəniyyəti Assosiasiyasının regional olaraq yerli nümayəndəsi, ciu-citsu üzrə məşqçi müəllim Anar Cavadbəyli iştirak edib.

Tədbirdə Şəmkir rayonu üzrə Gənclər və İdman sektorun baş məsləhətçisi Əkbər Qasımov, məşqçi müəllim Anar Cavadbəyli çıxış edərək ölkəmizdə idmana, idmançılara göstərilən diqqət və qayğıdan söz açıblar. Keçirilən bu tədbirin əhəmiyyətindən danışaraq, yeniyetmə və gənclərin idmana olan marağının artırılması, rayonda idmanın kütləviliyinə nail olmaq, ciu-citsu idman növünün təbliği və inkişafı üçün bu cür tədbirlərin keçirilməsinin vacib oduğunu qeyd ediblər.

Qeyd edək ki, turnirdə 50 nəfər idmançı iştirak edib. Yekunda qalib gələn idmançılara diplom və medallar təqdim olunub.