İyunun 23-də Gənclər Evində Siyəzən Rayon Gənclər və İdman İdarəsinin təşkilatçılığı ilə “İşıqlı həyatı seçək, narkotiklərdən uzaq olaq” mövzusunda maarifləndirici tədbir keçirilib.

Rekord.az xəbər verir ki, tədbirdə müasir dövrün ən qorxulu bəlalarından biri olan narkomaniya və onun fəsadları, səbəb olduğu faciələr haqqında məlumat verilib.

Daha sonra narkomaniya və onun ağır nəticələrdən bəhs edən “Bir dəfə” filmi nümayiş etdirilib. Filmdə narkomaniyanın qurbanına çevrilmiş insanların faciəli həyat tərzi, onların üzləşdiyi faciələr əks olunub.

Tədbirin keçirilməsində əsas məqsəd “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2019–2024-cü illər üçün Dövlət Proqramı”ından irəli gələn vəzifələrin icrasının təmin edilməsi, bu istiqamətdə gənclər arasında maarifləndirmə işlərinin aparılması, narkotik vasitələrin və digər zərərli vərdişlərin yayılmasının qarşısının alınması və gənclərin sağlamlığının qorunmasıdır.