Qadın voleybolçular arasında Yüksək Liqada növbəti oyunlar keçirilib. "Rekord.az" xəbər verir ki, bu gün GİN-nin Voleybol Mərkəzində II turun iki qarşılaşması baş tutub.

İlk olaraq meydana “AZERRAIL” və “Murov Az Terminal”la komandaları çıxıblar. Gərgin keçən bu görüşdə “AZERRAIL” 3:2 hesabı ilə qalib gəlib.

Növbəti oyun “Abşeron” və UNEC klubları arasında olub. Famil Ağayevin yetirmələri bu matçda 3:0 hesabı ilə qələbə qazanıblar.

Qeyd edək ki, II turun son oyunu sabah Gəncə şəhərində keçiriləcək. Gəncə İdman Sarayında “Gəncə” komandası “Milli Aviasiya Akademiyası”nı qəbul edəcək.

Yüksək Liqa (Qadınlar)

II tur

6 dekabr 

   “AZERRAIL” - “Murov Az Terminal” 3:2 (25:18, 23:25,  22:25, 25:8, 18:16)

   “Abşeron” - UNEC 3:0 (25:10, 25:12, 25:9)