Azərbaycan Basketbol Liqasında 15-ci tura yekun vurulub.

Rekord.az xəbər verir ki, günün sonuncu matçında "Şəki" "Lənkəran"ı qəbul edib.

Qarşılaşma meydan sahiblərinin qələbəsi ilə bitib - 81:75.

"Şəki" B qrupunda 26 xalla ikinci, qonaqlar 18 xalla sonuncu - altıncı pillədə qərarlaşıb.

15-ci turun daha əvvəl baş tutan görüşlərində “Neftçi” “Abşeron”u 80:56, "Ordu" "Quba"nı 103:68, “Gəncə” “Sumqayıt”ı 90:81, “Sərhədçi” NTD-ni 84:83, "Naxçıvan" isə "Sabah"ı 85:82 hesabı ilə məğlub edib.