
Ucar və Kürdəmir komandaları çempionatdan kənarlaşdırıldı
- 03 Apr 2025 17:45
- 53
AFFA İntizam Komitəsi U-10 Liqasında çıxış edən iki komandanı çempionatdan kənarlaşdırıb.
Rekord.az milli assosiasiyanın rəsmi saytına istinadən xəbər verir ki, bunlar Ucarın "Lokomotiv" və "Kürdəmir" kollektivləridir.
Ucar təmsilçisi "Şamaxı" ilə oyunda təyin edilən vaxtda meydanda olmayıb və 0:3 hesablı texniki məğlubiyyət alıb. Bu, üçüncü dəfə təkrarlandığından komanda yarışdan uzaqlaşdırılıb.
"Kürdəmir" isə Göyçayın "Çinar" kollektivi ilə qarşılaşmada meydanda olmayıb və bu, üçüncü dəfə baş verib.
U-13 Liqasındakı "Troya" və "Atletico Baku" texniki məğlubiyyət alıb. "Troya" İOEUGİM ilə matçda meydana çıxmayıb, "Atletico Baku"nun "Zirə" ilə oyununda isə yetərsay olmayıb.