Martın 12-də Bakıda ilk dəfə təşkil olunan VeloKvest 1.0 təşkil olunacaq. “Rekord.az” xəbər verir ki, yarış həmin gün saat 13:30-dan 20:00-a qədər davam edəcək.

Yarış barədə ətraflı məlumatlar aşağıdakılardır:

Yarış Bakı şəhərinin mərkəz ərazilərində yerləşən 10 müxtəlif destinasiyalı ardıcıllıqdan ibarətdir.

Hər destinasiya özünə məxsus tapmaca yaxud tapşırığa görə fərqlənir.

İştirakçılar tapşırıqları düzgün yerinə yetirdikcə yarış balları qazanırlar.

Yanlış verilən cavablar isə qazanılan balları azaldır.

Yarış avtomatlaşdırılmış mobil tətbiqlə idarə olunur və hər bir iştirakçının nəticələri tam dəqiqliyi ilə onlayn sistemdə yarışçının nəticələrinə qeyd olunur.

Məqsəd velosipedçilərin fiziki güc və dünyagörüşlərini sorğulamaqla Bakının irsi gözəlliklərini kəşf edərək xoş xatirələr yaratmaqdır.

İştirakçılar 13:30-dan 14:00-a qədər yarışa ev sahibliyi edən “Albion pub”-a gəlməlidirlər. Albion rəhbərliyi yarışçıları təhlükəsiz velosiped parkinqi ilə təmin edəcək.

Nəzərinizə çatdıraq ki, qapalı məkanda tütün məhsullarından istifadə edilməyəcək.

“Check-in” edən iştirakçılar lazımi təlimatı aldıqdan sonra 14:00-15:00 aralığında yarışa başlayacaqlar.

Yarışçılar 19:00-dan gec olmamaqla son kvesti tamamlamalıdırlar, əks halda gecikən nəticələr nəzərə alınmayacaq.

Yarışı tez bitirən iştirakçılar “Albion pub”-a qayıdaraq bilyard, dort, yaxud pianinoda öz məharətini göstərməklə yanaşı, menyudakı dadlı təamlardan sifariş edə bilərlər.

Nəticələr gözdən keçirdikdən sonra 3 fərqli nominasiya üzrə qalibləri seçərək sponsor hədiyyələri ilə təltif olunacaq.

Daha sonra meydan 20:00-23:00 aralığı üçün odlu-alovlu DJ-ə həvalə ediləcək.

Qrafik:

13:30 -14:00 Albionda toplaşmaq,

14:00 -15:00 Yarışın başlanması və yarışçıların yola salınması,

15:00-19:00 Yarışma müddəti,

19:00 - Son nəticənin qəbulu vaxtı,

20:00 - Qaliblərin elanı, hədiyyələrlə təltif olunma,

20:00 - 23:00 Albionda disco və əyləncə.

İştirakçılar üçün:

Kvest mobil tətbiq vasitəsi ilə avtomatik idarə olunduğu üçün iştirakçının mobil qurğusunun internet balansı və batareyasının yetərli olacağına diqqət etmək lazımdır.

Proqnoz edilən maksimum yarış zamanı 5 saatdır.

Hərəkət destinasiyaları əsasən şəhər mərkəzində yerləşir və onlara doğru gedən zaman maşın yolundan istifadə edə biləcəyinizi nəzərə alaraq yarışa qatılmağınızı tövsiyə edirik.

Baş vermiş hadisələrə görə hər bir iştirakçı şəxsən məsuliyyət daşıyır.

Yarışı idarə edən tətbiq sizə qeydiyyatınızı təsdiqlədikdən sonra göndəriləcək. Bunun üçün aşağıdakı qeydiyyat forumu doldurduqdan sonra ödənişi tamamlamaq lazımdır.

Nəzərinizə çatdıraq ki, müəyyən səbəblərdən təşkil olunan VeloKvestdə iştirak edə bilməyən dostlarınızı axşam əyləncəsinə dəvət edə bilərsiz.

Kvest zamanı qaydalara zidd olan, habelə digər iştirakçılara əngəl törədə biləcək hər hansısa əməl aşkarlanarsa həmin üzv kənarlaşdırılacaq və gələcək tədbirlərin qara siyahısına düşəcək.

Yarışma fərdidir və tək adam üçün ödəniş 20 AZN-dir.

Əgər velosipediniz yoxdursa, lakin bu əyləncəni qaçırmaq istəmirsizsə, təşkilatı tərəfdaş olan “Pedalchi”dan xüsusi bu tədbir üçün hazırlanmış təklifi dəyərləndirə bilərsiz. Tədbir iştirakçıları üçün 13:00-23:30-a dək velosipedlərin icarəsi cəmi 15 AZN olacaq.

Qaliblə təqdim ediləcək hədiyyələr:

1-ci YER - 200 AZN

2-ci YER - 100 AZN

3-cü YER - 50 AZN

Qeydiyyat linki: https://forms.gle/F5nDuEKyCeXvN23NA

Albion Pub: https://goo.gl/maps/tSzgZSLsrT87rWoG9

Əlavə suallarınız varsa, yaxud yarışın sponsorlarından olmaq istəyirisnizsə +994 55 202 9663 nömrəsi ilə ( AZ/RUS/ENG ) əlaqə saxlaya bilərsiz.

Gələcək layihələrimizdən xəbərdar olmaq üçün Pedalchi səhifəsini izləyə, yaxud bütün xidmətlərimizlə tanış olmaq üçün Pedalchi.az vebsaytına keçə bilərsiz.