Azərbaycan İdman Jurnalistləri Federasiyası (AİJF) İdarə Heyətinin tam tərkibdə ilk iclası keçirilib. 

Rekord.az xəbər verir ki, gündəlikdə müzakirə olunan əsas məsələlər 2020-ci il üçün fəaliyyət planının müzakirəsi, bu il üçün tədbirlər planının hazırlanması və təsdiq edilməsi, üzvlüyə qəbul meyarlarının müəyyənləşdirilməsi, vitse-prezidentlərin və komissiya sədrlərinin seçkisi, baş katib vəzifəsinə namizədlərin irəli sürülməsi olub. Bütün bunlar ətrafında fikir mübadiləsi aparılıb, İH üzvləri təkliflərini səsləndiriblər.

Müzakirələr nəticəsində müvafiq qərarlar qəbul olunub. Firuz Abdulla və Mahir Rüstəmli vitse-prezident, Vüqar Zeynalov (federasiyalar və başqa idman qurumları ilə əlaqələr), Firuz Abdulla (etika), Elşən Məmmədov (tədbirlərin təşkili və keçirilməsi) və Ellada Mustafayeva (beynəlxalq əlaqələr və təhsil) komissiya sədri seçilib. Komissiyaların hər birində daha iki üzvün yer alması planlaşdırılır. 

Baş katib vəzifəsinə namizədlərin müzakirəsi növbəti iclasa saxlanılıb. (Report)