Qadın voleybolçulardan ibarət Azərbaycan millisinin hücumçusu Yelizaveta Ruban və blokçu Olena Xarçenkonun avrokubokda ikinci yeri tutublar. "Rekord.az" xəbər verir ki, voleybolçularımızın formasını geyindikləri Rumıniyanın "Alba Blaj" klubu CEV kubokunun finalında İtaliyanın "İgor Novara" kollektivi ilə üz-üzə gəlib. 

Cütün ilk görüşündə uduzan Rumıniya təmsilçisi cavab matçında mütləq qələbə qazanmalı idi. Lakin oyunun əvvəlindən üstünlüyə yiyələnən "İgor Novara" bu dəfə də rəqibini məğlub edib və çempionluğu qazanıb. 3 hissə davam edən matçda 0:3 (28630, 17:25, 26:28) uduzan voleybolçularımızın komandası yarışın gümüş medallarına sahib çıxıb.

Bu qarşılaşmada millimizin oyunçuları Ruban 11 xal, Xarçenko isə 8 xal qazanıblar. 

Qeyd edək ki, millimizin kapitanı Ayşən Abduləzimova da bu yarışda fərqlənib. Təcrübəli blokçumuzun şərəfini qoruduğu Macarıstanın "Vasas Obuda" klubu CEV kubokunda 3-cü yeri tutub.