Türkiyənin “Hatayspor” klubunun 4 üzvündə koronavirus aşkarlanıb.

Rekord.az xəbər verir ki, bu barədə Super Liqa təmsilçisinin mətbuat xidməti məlumat yayıb.

Virusa yoluxanların üçü futbolçu, biri isə texniki heyətin üzvüdür.

“Hatayspor” Türkiyə Super Liqasının 11-ci turunda səfərdə “Qalatasaray”la qarşılaşacaq. Sabah keçiriləcək qarşılaşma saat 20:00-da start götürəcək.