Türkiyənin “Ankaragücü” klubunda beş nəfərdə koronavirus aşkarlanıb.

Rekord.az xəbər verir ki, bu barədə Super Liqa təmsilçisinin rəsmi saytı məlumat yayıb.

Virusa yoluxanlardan dördünün futbolçu, birinin isə məşqçi olduğu bildirilir. Onların hamısı dərhal karantinə alınıb. 

Qeyd edək ki, “Ankaragücü” Super Liqanın cari mövsümündə keçirdiyi 4 oyunda hələ qələbə qazana bilməyib və cəmi 1 xalla sonuncu pillədə qərarlaşıb.