İtaliya A seriyasının 22-ci turunda hazırda "Latsio" ilə keçirilən görüş "İnter"in kapitanı Samir Handanoviç üçün əlamətdar olub.

Rekord.az xəbər verir ki, start heyətdə meydana daxil olan sloveniyalı qapıçı A seriyasındakı oyun sayını 500-ə çatdırıb. O, bu oyunlarda 560 qol buraxıb.

36 yaşlı qolkiper A seriyasında ən çox oyun keçirən legionerlər arasında təkcə "İnter"in sabiq kapitanı Xavyer Zanettidən geri qalır.  İtaliyada yalnız "İnter"də çıxış edən argentinalı keçmiş futbolçu çempionatda 615 oyuna çıxıb. 

Qeyd edək ki, Handanoviç İtaliyada "İnter"dən başqa, "Udineze", "Trevizo" və "Latsio"da da çıxış edib.