Qadın voleybolçulardan ibarət Azərbaycan yığmasının üzvü Ayşən Abduləzimova Macarıstan çempionatında növbəti oyununa çıxıb. "Rekord.az" xəbər verir ki, blokçumuzun formasını geyindiyi "Vasas" doğma meydanda "Haladas"ı qonaq edib.

Görüş meydan sahibinin üstünlüyü ilə keçib. 3 hissə davam edən matçda Ayşən və rəfiqələri quru hesablı qələbəni bayram ediblər - 3:0 (25:17, 25:9, 25:15).

Komandasının çətinlik çəkmədən qalib gəldiyi qarşılaşmada millimizin üzvü 7 xal qazanıb. Abduləzimova qonaqları 4 dəfə hücumda, 2 dəfə blokda, 1 dəfə eyslə məyus edib.