İyunun 12-də start götürəcək futbol üzrə Avropa çempionatına 100 gün qalmış “Gənclik Mall” ticarət mərkəzində AÇ-2020 məlumat mərkəzinin açılışı olub.

Rekord.az xəbər verir ki, açılışda iştirak edən AÇ-2020-nin səfiri Vəli Qasımov çempionatın həm idman, həm də turizm baxımından Azərbaycana göstərəcəyi müsbət təsirindən və əhəmiyyətindən danışıb. Açılış mərasimində, həmçinin, AÇ-2020-nin rəsmi maskotu “Skillzi” də iştirak edib və fotolar çəkdirib.

Qeyd edək ki, məlumat mərkəzi hər gün saat 10:00-dan 22:00-dək fəaliyyət göstərəcək. Mərkəzdən AÇ-2020 ilə bağlı məlumatlar əldə etmək və fotoguşədə şəkillər çəkdirmək mümkündür.