AFFA-nın Oyunçuların Statusu və Transferi Komitəsi hazırda "Araz-Naxçıvan"da çıxış edən Tural Bayramlının şikayətinə baxıb.

Rekord.az milli assosiasiyanın rəsmi saytına istinadən xəbər verir ki, 23 yaşlı yarımmüdafiəçinin sabiq klubu "Səbail"dən kompensasiya tələbi və "dənizçilər"ə idman sanksiyası tətbiq edilməsi ilə bağlı iddiası təmin edilməyib.

"Səbail" yayda Tural Bayramlı ilə yollarını ayırıb. Oyunçu klubun müqavilə şərtlərinə uyğun olmadan onunla yolları ayırdığını əsas gətirərək şikayət etmişdi.