AFFA bu yaxınlarda təqaüd verəcəyi futbol veteranlarının adlarını açıqladı.

Rekord.az xəbər verir ki, siyahıda Səmədağa Şıxlarovun da adı var.

AFFA Həmkarkar İttifaqının idarə heyətinin üzvü olan Şıxlarov əslində bu təqaüdü 2 il bundan qabaqdan almalı idi. Lakin nədənsə federasiya bu şəxsi diqqətdən kənarda qoymuşdu. 2 il sonra sözügedən şəxsə təqaüd verilsə də heç də hər şey diqqət və qayğını tərənnüm etmir. Əksinə, ortada böyük bir hörmətsizlik var. İş ondadır ki, AFFA təqaüd verdiyi veteranları kateqoriayalara bölüb. Birinci qrup hesab etdiklərinə 250 manat, ikinci qrup hesab etdiklərinə isə 180 manat verir. Şıxlarov isə "Neftçi"nin heyətində 150-dən artıq oyun keçirməsinə və klubun ən aparıcı futbolçularından biri olmasına baxmayaraq federasiya onu ikinci kateqoriyaya salıb və 180 manat təqaüd təyin edib.