AFFA növbəti mövsümdən əvəzediciləri I Diviziondan ayırmaq istəyir. Yəni əvəzedicilər əvvəllər olduğu kimi, öz liqalarında oynayacaq.

Rekord.az-a AFFA-ya yaxın mənbədən daxil olan məlumata görə, I Diviziou tərk edəcək əvəzedicilərin əvəzinə yeni komandalar gətiriləcək.

Düzdür, say çox olmayacaq. Hazırda I Divizionda 13 komanda çıxış edir ki, bunun da 8-i əvəzedicilərdi. Gələn il onlar buradan ayırılsa divizionda cəmi 5 komanda qalacaq. AFFA yeni 3 komandanı bura əlavə etməklə I Divizionda 8 komandanın iştirakı ilə çempionat keçirmək istəyir. Yeni komandalar "Region Liqası"ndan da ola bilər, ümumiyyətlə, yeni yaranmış da. Məsələ ilə bağlı daha geniş müzakirələr gələn ilin mart-aprel aylarında aparılacaq.