Ağstafa rayonu üzrə Gənclər və İdman sektorunun və Ağstafa Təhsil sektorunun birgə təşkilatçılığı ilə Ə.Hüseynov adına Ağstafa şəhər 1saylı tam orta məktəbin idman zalında "20 Yanvar şəhidlərinin xatirəsinə'' həsr olunmuş mini futbol üzrə məktəbli komandaları arasında birincilik keçirilib.

Rekord.az xəbər verir ki, birincilikdə rayonun 14 məktəb komandası olmaqla ümumilikdə 140 nəfər yeniyetmə idmançı iştirak edib.

İki gün gərgin mübarizə şəraitində davam edən yarışlarda 1-ci yerə N.Həmzəyev adına Göycəli kənd tam orta məktəbin, 2-ci yerə A.Abdullayev adına şəhər 2 saylı tam orta məktəbin, 3-cü yerə isə X.Mirzəyev adına Qıraq Kəsəmən kənd tam orta məktəbin komandaları layiq görülüblər. 20 yanvar şəhidlərinin xatirəsinə həsr olunmuş birinciliyin yekununda qalib olmuş komandalar Qazax-Tovuz Regional Gənclər və İdman idarəsinin kubok və diplomları ilə təltif olunublar.