Ağstafa rayonu üzrə Gənclər və İdman sektorunun və Ağstafa təhsil sektorunun birgə təşkilatçılığı ilə UGİŞM-nin futbol meydançasında mini futbol üzrə tam orta məktəblərin 7-ci sinif şagirdlərindən ibarət məktəb komandaları arasında rayon birinciliyi keçrilib.

Rekord.az xəbər verir ki, birincilikdə mübarizəyə qatılan 16 məktəb komandasında ümumillikdə 192 nəfər yeniyetmə iştirak edib.

Maraqlı və gərgin mübarizə şəraitində davam edən yarışda 1-ci yerə A.Abdullayev adına şəhər 2 saylı tam orta məktəbin, 2-ci yerə N.Həmzəyev adına Göycəli kənd tam orta məktəbin, 3-cü yerə isə Ə.Hüseynov adına şəhər 1 saylı tam orta məktəbin komandaları layiq görülüb.

Birinciliyin yekununda qalib komandalar kubok və diplomlarla təltif olunublar.