Ağstafa rayonu üzrə Gənclər və İdman sektorunun və Ağstafa Təhsil sektorunun təşkilatçılığı ilə Ə.Həmidoğlu adına Aşağı Göycəli kənd tam orta məktəbin idman zalında stolüstü tennis üzrə Qazax-Tovuz Regional Gənclər və İdman idarəsinin Ağstafa Uşaq Gənclər İdman Məktəbinin daxili birinciliyi keçirilib.

Rekord.az xəbər verir ki, birincilikdə iştirak edən Ağstafa rayonu üzrə Gənclər və İdman sektorunun baş məsləhətçisi Turan Hüseynov, aparıcı məsləhətçi Hikmət İsmayılov, Ağstafa rayon Təhsil sektorunun metodisti Afiq Salifov və Ə.Həmidoğlu adına Aşağı Göycəli kənd tam orta məktəbin direktoru Əhəd Musayev çıxış edərək Ağstafa rayonunda bədən tərbiyəsi və idmanın kütləviliyinin təmin olunması məqsədi ilə ayrı- ayrı idman növləri üzrə birincilik və çempionatların təşkili barədə ümumi məlumat veriblər.

Çıxış edənlər yeniyetmə və gənclərin stolüstü tennis idman növünə olan maraqlarını xüsusi qeyd edərək, rayonda bu idman növünün inkişaf etdirilməsi məqsədi ilə Ağstafa Uşaq Gənclər İdman Məktəbində xüsusi bölmələrin fəaliyyəti üçün lazımı şəraitin yaradıldığını qeyd ediblər. Daha sonra yarışın əsasnaməsinə uyğun olaraq iki yaş qrupu üzrə yeniyetmə və gənclər birincilik uğrunda mübarizə aparıblar. Yarışın yekunda yüksək nəticə əldə etmiş idmançılar Ağstafa UGİM-nin diplomları ilə təltif ediliblər.