Xəbər verdiyimiz kimi, Ağsu stadionuna giriş qadağan edilib.

Rekord.az xəbər verir ki, rayonun yeganə təmsilçisi, "Region Liqası"nda çıxış edən "Ağsu City" məşq üçün bu arenaya dəfələrlə müraciət etsə də hər dəfə onlara "yox" cavabı verilib.

Rəhbərlik bildirib  ki, qadağa birbaşa AFFA-dan gəlib. Səbəb kimi isə təmir göstərilir.

Bizim əldə etdiyimiz məlumata görə isə arena təmir adı ilə bağlansa da 1 ildən artıqdır ki, burada təmir adına heç nə edilməyib.  Sadəcə, arenanın qapısına qıfıl vurulub və arena faktiki fəaliyyət göstərmir. Arena niyə təmir edilmir, istismar müddətini çoxdan başa vuran süni örtük niyə dəyişdirilmir, bunun səbəbini heç kim bilmir.