"Mançester Yunayted"in futbolçusu Pol Poqba sabiq klubu "Yuventus"a qayıda bilər.

Rekord.az "Calciomercato"ya istinadən xəbər verir ki, Turin təmsilçisinin yeni baş məşqçisi Massimiliano Alleqri 28 yaşlı yarımmüdafiəçini komandasında görmək istəyir.

Buna görə də İtaliya klubu fransalı oyunçunu bu yay transfer pəncərəsində almağa çalışacaq.

Qeyd edək ki, Alleqri "Yuventus"un baş məşqçisi vəzifəsinə ötən gün Andrea Pirlonun istefaya göndərilməsindən sonra təyin olunub. O, 2014-19-cu illərdə də bu komandanı çalışdırıb.