İngiltərənin “Everton” klubu heyətini yeni futbolçu ilə gücləndirib.

Rekord.az xəbər verir ki, Premyer Liqa təmsilçisi İtaliyanın “Napoli” klubundan Allanı transfer edib.

Bu barədə klubun rəsmi saytı məlumat yayıb. 29 yaşlı yarımmüdafiəçi ilə 2023-cü ilin iyun ayının sonunadək nəzərdə tutulan müqavilə imzalanıb. Transferin dəyəri açıqlanmayıb. Braziliyalı futbolçu yeni komandasında 6 nömrəli formanı geyinəcək.

Allan “Everton”un baş məşqçisi Karlo Ançelotti ilə “Napoli”də birlikdə çalışıb.